豪大大雞排 (啟田商場)

营业中

休息中

前一排兴起炸鸡潮，开左好多炸鸡店。热潮过后剩返嘅铺头得返好少，豪大大鸡扒就系其中一间。平时会食炸大鸡扒加炸菇，有时仲会嗌鸡锤添。不过今日喺蓝田扫街，所以决定每样食少少就算啦。炸鸡扒份量真系超级大，有成2块面嘅Size。咁多年来都好似冇咩点加价，性价比高。鸡扒薄身，炸出黎比较干，加埋炸粉食落好脆口。每次都会加辣粉(中辣)，更加嘢味！食一块基本上已经饱咗八成，所以通常都会同家人分享。