田中日本料理

营业中

休息中

好多年前慕名而去嘅田中寿司， 经历完疫情仲开紧， 黎到元朗就拣佢啦～ 星期六晚上要排队，俾左张4人枱我地都唔需要搭枱。寿司都系2件起， 嚿旧饭超大嚿，尚厌寿司饭落太多醋， 比较酸， 寿司豉油亦同出面唔同， 比较深色似老抽。♡三文鱼 $32特长16cm, 长到包住嚿饭食， 三文鱼好味♡剑鱼腩 $35寿司好大嚿， 但剑鱼腩咬唔开，无乜味道。♡火炙三文鱼腩 $36有对比觉得鱼生好食好多， 火炙上黎已经冻左， 有点heavy~♡海胆 $58份量足够， 抵食， 但少少苦， 应该唔够新鲜。♡鳗鱼 $45肥亦无骨， 但烧得唔够香♡清酒煮蚬 $58食太多寿司饭， 拣个一品料理中和下。 但个汤系寿喜烧， 好甜无乜酒味， 蚬肉干净无沙。