茶星人 (富康花園) (已結業)

係將軍澳食完晚飯，又係時候買返杯手搖飲品過下癮啦。餐牌分左唔同類別，分別係水果星球、純茶/芝士奶蓋茶、芝士雪沙、鮮奶朱古力脆皮黑洞、茶星人特調、夏日Darling星球、黑糖波霸。飲品可以揀甜度同冰度，亦可以加料。我揀左芝士雪沙入面既芝芝芒芒，朋友就揀左茶星人特調入面既蜜桃紅柚四季春，都揀左700ml。芝芝芒芒 700ml $35我要無糖，果然無揀錯，因為芒果已經夠甜。佢係沙冰，夏天飲好解暑。最上面有好邪惡既芝士奶蓋，味道幾重奶味，又有啲似食緊芝士餅既味道，唔錯幾得意。蜜桃紅柚四季春 700 ml $33朋左要少微糖少冰，佢話先飲到茶味再飲到水果味，入面有蜜桃既果肉，又得飲又有得食。