茶星人 (富康花園) (已結業)

系将军澳食完晚饭，又系时候买返杯手摇饮品过下瘾啦。餐牌分左唔同类别，分别系水果星球、纯茶/芝士奶盖茶、芝士雪沙、鲜奶朱古力脆皮黑洞、茶星人特调、夏日Darling星球、黑糖波霸。饮品可以拣甜度同冰度，亦可以加料。我拣左芝士雪沙入面既芝芝芒芒，朋友就拣左茶星人特调入面既蜜桃红柚四季春，都拣左700ml。芝芝芒芒 700ml $35我要无糖，果然无拣错，因为芒果已经够甜。佢系沙冰，夏天饮好解暑。最上面有好邪恶既芝士奶盖，味道几重奶味，又有啲似食紧芝士饼既味道，唔错几得意。蜜桃红柚四季春 700 ml $33朋左要少微糖少冰，佢话先饮到茶味再饮到水果味，入面有蜜桃既果肉，又得饮又有得食。