巴辣仔烤魚雞煲 (加連威老道) (已結業)

今日放工约咗朋友食饭倾偈轻松下，谂紧食咩好嘅时候，就见到巴辣仔烤鱼鸡煲。谂起好耐都无食过烤鱼，所以就决定去依度喇。餐厅最有特色嘅，莫过于佢系嘅灯饰，一条条竹鱼挂起，非常可爱。拎起餐牌，选择都非常多，除咗招牌烤鱼、鸡煲，仲有肠锅、边炉配料、川味小食。另外餐厅仲有自助调味料Bar，同埋生果甜品。烤鱼分别有深海大班、原条江团鱼同凌波鱼。味道都有成六款供食客选择，而且仲可以喺十多款嘅配菜中，自由挑选四款。我同朋友就选择咗深海大班，小辣香辣。而配菜就挑选咗好健康嘅菜，分别有莴荀片、莲藕片、冬瓜片同娃娃菜。深海大班都相当大条，成个煲够哂气势。店员建议先食鱼腩位置。鱼预先轻轻炸过，令其口感平爽肉嫩。鱼腩位肉嫩鲜香，鱼背位置亦不输蚀。配菜吸收哂汤嘅香辣，鱼嘅鲜味，当当惹味。不过好似我哋咁叫莴荀片嘅话，记得唔好只挂住食条鱼，唔系嘅话啲莴荀片就会煮融哂。除咗烤鱼我同朋友仲叫咗即炸腐皮虾卷。唔使等太耐就有得食。腐皮虾卷非常弹牙有虾味，喺烤鱼仲未食得嘅时间到，我同朋友食到停唔到口。饮品方面，我哋点咗餐厅特色嘅大大杯雪燕玫瑰花绿茶同大大杯桃胶洛神花红茶。顾客手机落单时，可以自行选择冰量同甜度。而最大特色就系真系