大滿屋日本料理 (已結業)

自从食过上次之后一直都想再黎食过，今日卒之有机会喇。唔知由几时开始，日式放题竟然有泰式野食，由原本得啖笑做到依家越黎越好，越正宗，呢度个泰式生虾个味道做到同九龙城啲泰国菜馆分别不大，亦都算新鲜弹牙，果然系必点推介。 海虾天妇罗，唔好以为食放题就俾啲炸虾米你㖞，呢度啲海虾天妇罗只只都成五六吋，炸得甘香可口，如果再热啲一定更加好食姐。玉子天妇罗，虾啊，南瓜啊，蕃薯啊呢啲天妇罗就试得多，玉子都有得做天妇罗真系未试过㖞，不失为一个 good  try。吉列蚝，继生虾之后既第二最爱，炸得松化，只蚝又够饱满，个炸浆又唔会话太厚，点少少沙律酱真系正到无朋友。芝麻鸡翼，继吉列蚝之后既第三最爱，鸡翼腌得入味，皮薄馅靓，加埋香口既芝麻，得左。花之恋人，都系 mini 版𠮶吓至得我欢心，三文鱼同旧饭既比例黎讲..真系前所未有咁多𩠌。