一起素 (已結業)

以前一听到中大素can,个个都洒手拎头，仲话系中大最难食既餐厅添。不过宜家真心进步左好多，尤其系下午茶时段，都好多选择。All day breakfast价钱平出面既餐厅一大截，就算系素全日餐最平都要差不多60。呢度个素肠好好食，做得唔似一般素肉咁好大阵豆腥味。碗面个面底我都系唔太钟意，即食面底始于唔太健康….记得以往第一次黎食面时我都骂左出声：「下？咩个汤底同清水一样！」但宜家真系改左，饮得出应该系自家煲的，但d料都系少少hea,可以再改善下。呢个寿司卷就最好食，即叫即制！坊间应该要卖30-40蚊旧，一起素好似16蚊姐，水准拍得住大x然素食、x和素食等等大素食店。唯一唔好系应该唔系用寿司豉油，味道好咸呀。呢件纯素朱古力芝士蛋糕唔掂，雪到硬一硬冻一冻都系好鬼死甜，而且伴碟的唔系士多啤梨而系番茄仔，感觉相当奇怪。