貴緣小鍋米線 (崇潔街) (已結業)

用大量猪骨熬出嚟嘅汤底，饮落真系几鲜甜。加埋麻辣/酸辣，层次感即刻提升不少。值得一赞，饮完都唔会好口干👍🏻汤底辣度由小小辣至到特特辣，好贴心！麻辣小窝米线-小辣 鸡翼、鸡肉丝、卤水大肠、蟹柳、芝士肠、猪肚丝辣味后劲强，麻香味亦好突出。食得辣嘅建议拣中辣或以上，因为落嘅辣度唔够重手。鸡丝份量超级多，好满足！卤水大肠好干净够哂肥美。酸辣小锅红薯粉-中辣多酸秘制腩肉、猪软骨、手打鱼腐、红肠呢度嘅秘制腩肉瘦肉较多，但食落爽嫩唔柴口。猪软骨味道酸酸甜甜，炆得够软糯好入味！手打鱼腐要必点！！！皮薄起皱，索汤一流。鱼腐松软嫩滑，我好钟意！！小食方面两款都系煮完之后雪过嘅！甜酸斋 呢个酸甜味道够开胃，如果觉得碗米线/薯粉辣嘅朋友呢个用嚟解辣一流。贵缘鸡丝火山 好香沙姜汁味道，加埋榨菜片，爽脆得黎调和鸡丝嘅单一口味。表面更洒上辣椒粉，少少辣劲惹味。