拉麵Jo (已結業)

落大雨入商场揾野食，去左呢间拉面铺食野，入到去睇餐牌发现除左拉面，仲有饭同多款小食，选择比一般拉面铺几多元化。呢度有二人晚餐 $298，包2碗面/饭，2款小食同2杯饮品。特制低温叉烧拉面 +$20钟意食肉既朋友就岩哂啦，呢碗有7块低温叉烧，入口几嫩，叉烧肉味浓，貌相一流之余仲几好食，拉面幼身，份量多。特制鱼介豚骨拉面呢碗既汤会比之前个碗浓啲同咸啲，有3片一般叉烧、2块鸡胸肉片。拉面系粗身拉面，食落有咬口感啲，而且几挂汁。虾饺子5只用饺子皮包住原只虾既饺子，入面无肉，有葱，虾肉比较过熟。铁板安格斯牛扒 +$20牛扒铁板上枱「炸炸」声，牛扒几嫩又易咬开，有惊喜，仲配薯条同杂菜。铁板豆腐 $58呢个豆腐无咩特别花巧野，就系豆腐放上铁板上。明太子鸡翼 $42呢款小食做紧优惠，2只胀卜卜既鸡翼，微微辣，炸得几脆。