釜之魂釜飯專門店 (淘大商場) (已結業)

本身好钟意日式料理，见呢间餐厅好多釜饭，就入去试试。我钟意素食，带咗碗五目釜饭，而呢度出名鳗鱼，我朋友就叫咗个鳗鱼釜饭。先来前菜同汤饮，有好多蔬菜嘅面豉汤，饮落好健康，好鲜甜。而前菜好特别，除咗有腌过嘅青瓜，入边加咗啲鳗鱼粒。五目釜饭好靓，面头铺咗好多唔同种类嘅新鲜蔬菜，有木耳、粟米仔、萝卜片、竹笋等😋。鳗鱼丼饭，叫咗最抵食嘅尾部，比较焦香，分量亦唔少。见到个特别嘅甜品，黑芝麻蕨饼，侍应同我哋讲，最好10分钟之内要食。黑芝麻味道浓郁，已蕨饼软林林得来，有少少爽口，质感几特别。仲有叫咗个苦瓜饺子，入面苦瓜味浓郁，，外面煎得脆口，钟意食苦瓜嘅朋友，可以试呢个。