Fûhn (The L. Square) (已結業)

一到咗夏天咁热，自然就唔想食好多野，食返餐越南河粉配小食就最开胃啦。系OpenRice度见到呢间越南菜咁多好评，又系铜锣湾够晒就脚，就一于试一试啦。打开个餐牌见到咁得意嘅，河粉有分size ,分别系regular, Large, XL and XXL，真系啱晒唔同场合，唔同人数，同埋唔同食量啦，好新颖又有趣！我同朋友一行两人，就叫左一个Large 既特色牛汤粉，入边有牛丸，牛坑腩片，生牛肉，牛柏叶，牛腩等等十分之足料。另外仲叫咗两个小食分别系鲜虾米纸卷，同埋碳烧猪颈肉。仲要左一杯冻咸柠七。两个小食，份量唔算好多，两人Share黎食就啱啱好！碳烧猪颈肉烧得好好、肉质够晒弹牙；鲜虾米纸卷鲜味十足！唔洗点调味料都够晒好味，呢个小食系健康之选！至于重头戏嘅特色牛汤粉，个汤真系十分之鲜甜，配埋个河粉同埋生牛肉够晒野味，真系食唔停口好香，好好食，更加就唔使讲啲牛肉好林好好食。仲有不得不提，其实不论系手打牛丸，定系牛坑腩片生牛肉等等，佢都俾得好足料两个人食每人最少都食咗几旧，真系好够份量啦。