今助烏冬御膳 (已結業)

今日咁啱胃痛，想食啲暖暖嘅汤面，刚好系雅兰中心楼下，就揾到佢啦！本身个胃已经唔舒服，一开始等位时等咗5-10分钟到无人理，搞到我有少少唔耐烦，好彩等咗10几分钟就入座。我同男朋友仔都一样叫咗牛肉乌冬，男朋友果碗多只温泉蛋。一拎碗乌冬过来时，我同男朋友仔都『哗』咗一声，因为个碗真系好巨型！完全无expect过咁大碗，未食都觉得正呀！佢比我只匙羹都好强劲，十足汤壳咁大呀！痴线架，好夸张！味道正常啦，未有好大惊喜，但个卖相真系非常吸引。我哋又每人叫咗个茶碗蒸，系我嘅至爱，蒸蛋滑捋捋好好味。我哋分别叫咗一个普通同一个珍宝，结果珍宝系多一只虾同大碗少少。食完碗热乌冬同茶碗蒸，个胃都舒服返啲啦。大大碗乌冬的确系吸引嘅，但系人手唔够成日要等攞位等落单等上菜等埋单。其实佢仲有啲几抵食嘅套餐，例如乌冬加寿司丼再加茶碗蒸都系$155。比著平时，我同朋友一齐叫一个套餐都够食啦。会考虑下次再试下！