雲南啊老表黑山羊湯鍋米綫 (觀塘工業中心) (已搬遷) 新店位置

有个喺观塘返开工嘅朋友介绍有间抵食夹大件嘅羊肉米线，今晚就去咗赴会。APM行过去都系5分零钟，7点几去到都差唔多满座，隔局都几有特色，墙上都挂满好似 青藏高原嘅牛同羊嘅画，重点系冷气够大，因为好怕食到成身汗。事不宜迟，叫返个大碗羊肉米线同口水鸡，仲加咗杯冻柠茶。先嚟大大杯柠茶，够晒饮。口水鸡，样子同一般嘅差唔多，但味道都几令人深刻，佢又唔算好辣，但佢令到啲鸡入晒味，佢啲香草，麻子嘅味都溶入鸡肉，正。去到主角大大碗嘅羊肉米线，佢有得拣羊肉连皮定系羊瘦肉，米定米线，我就拣咗瘦羊肉米线，但佢又唔鞋㖞，兼且好有羊味，正，佢个猪骨汤底一啲都唔咸，仲好有骨味，按自己喜好再加埋啲辣菜圃，层次又再高一啲，呢个份量影真够我饱。下次可以再试埋个牛腩，我frd话牛腩都正。