茶語

营业中

休息中

平时嘅工作成日都要去大埔黑盒，但都系第一次来试呢间喺附近嘅台湾嘢！今日来到11:00am，店面唔算好多人，但食食下就开始多人啦。枱面附有口水汁，其实都偏辣古早味肉燥饭（$50）好大碗饭好大碗肉燥，可以肯定一个女孩子一定会食得好饱。肉燥肥瘦均匀，而且肉块有大有细有口感，味道对比系台湾嘅肉燥，偏咸少少但一样浓厚。配上卤蛋，酸菜同白菜，中和返少少浓厚口感。好啱大啖大啖咗食。蜜糖花枝丸（$32）一共五粒，热辣辣啱啱整起，炸皮薄，而且花枝丸本身弹牙有咬口，大大粒好惹味。餐厅另外附上一碟蜜糖，自行选择沾取分量～珍珠奶绿（跟餐送）嗯杯嘢最有惊喜。讲真好多时跟餐送嘅野饮都唔算出色，但呢杯真系好媲美天x茗茶，奶白茶正，绿茶味更重。本身唔钟意饮太甜所以叫咗微甜呢杯甜度刚刚好。珍珠弹牙有甜味，中和得好好。