好吃吃光

营业中

休息中

大角咀有間台式小店，以文青木系為主，主打多款經典台灣菜式，飯麵、炸物、小食、甜點、飲品，應有盡有，招牌菜為月見蚵仔魯肉飯，而最近更更換新菜單，值得到訪。月見蚵仔鮭魚蝦卵魯肉飯係其中一款新菜式，估唔到有成二十粒蠔仔，大粒飽滿，鮮甜唔腥，將蛋黃、鮭魚蝦卵、魯肉、飯拌勻食，味道口感豐富。醬汁足夠，飯軟糯可口，仲可以叫少/多飯同免費添飯一次。蛋餅內餡可自由搭配，蛋皮煙韌，有微微芝士拉絲效果，雞扒又大又厚而且都幾嫩，調味偏清淡，主要來自蛋同芝士嘅鹹香味，一份都幾飽肚。肉燥燙青菜份量十足，清甜爽口，建議可以將剩咗嘅肉燥同醬汁倒入飯食🤣貢丸湯大大一碗，胡椒味好重，飲落暖笠笠，兩粒貢丸切開一半，爽口彈牙，仲有蔥花可增添口感。飲品有芋泥鮮奶，甜度適中，芋泥夠綿，配上邪惡嘅4.3牛乳真係好夾，最緊要係無冰。