好吃吃光

营业中

休息中

大角咀有间台式小店，以文青木系为主，主打多款经典台湾菜式，饭面、炸物、小食、甜点、饮品，应有尽有，招牌菜为月见蚵仔鲁肉饭，而最近更更换新菜单，值得到访。月见蚵仔鲑鱼虾卵鲁肉饭系其中一款新菜式，估唔到有成二十粒蚝仔，大粒饱满，鲜甜唔腥，将蛋黄、鲑鱼虾卵、鲁肉、饭拌匀食，味道口感丰富。酱汁足够，饭软糯可口，仲可以叫少/多饭同免费添饭一次。蛋饼内馅可自由搭配，蛋皮烟韧，有微微芝士拉丝效果，鸡扒又大又厚而且都几嫩，调味偏清淡，主要来自蛋同芝士嘅咸香味，一份都几饱肚。肉燥烫青菜份量十足，清甜爽口，建议可以将剩咗嘅肉燥同酱汁倒入饭食🤣贡丸汤大大一碗，胡椒味好重，饮落暖笠笠，两粒贡丸切开一半，爽口弹牙，仲有葱花可增添口感。饮品有芋泥鲜奶，甜度适中，芋泥够绵，配上邪恶嘅4.3牛乳真系好夹，最紧要系无冰。