蝦麵店 (荃新天地) (已結業)

黎到虾面店，一定要食马来西亚风味，好彩我哋早到唔使排队，啱啱有位坐。好坐低睇有咩好食先，一人套餐好多嘢食，就叫呢个啦。虾肉四宝面，辣味虾汤底小小辣，可以加钱加𩠌，所以加咗两只青口，喜欢食河粉因为食落爽口，面底仲有菠菜，正！海鲜面，咖哩叻沙汤底，好香好浓郁，重口味得来又好啱我口味，加上海鲜嘅味道，追住食。小食仲可以一人拣两款，生菜绿油油，小食拼盘就有鸡翼、脆豆腐、鸡髀肉串，虽然烧得干身，不过都够香。饮品叫咗美禄和冰糖柠檬薏米水，薏米水清甜滋润，唔太甜。摩摩喳喳，食饱饱跟餐仲有甜品，个香芋味好椰好香，仲有芋头、番薯、香蕉，呢个好食！