影片
更多
2024-06-12
703 浏览
好味指数😋😋😋回头指数 ⭐️⭐️⭐️开心指数🤗🤗🤗又系要去大埔，之前食过大埔名物上海面觉得一般，今次周围行吓，见到呢间食牛什粉面，就试吓。🍴招牌牛杂河粉（$38）呢碗上面有两块炸鱼皮，一上台就要即刻食，唔系就会浸腍㗎，鱼皮都几香脆唔会硬，味道适中唔会太咸，呢个几好味！牛杂份量都算多，食落都 okay，亦都冇食到异味，佢嘅辣椒油味道唔错，都几香，钟意食辣嘅朋友记得要试。河粉嘅份量多，好够饱。🍴潮式牛根河粉（$38）呢碗上面得一块鱼皮，相比起牛杂嘅大堆头，会显得比较零散，牛根煮得够腍，但唔算太入味，呢个一般。🍴牛杂鱼蛋双并河粉（$48）双并要用贵嘅粉面价钱加$10，双并鱼蛋有3粒，鱼皮有2块，鱼蛋都几弹牙，鱼味未算太浓郁，不过以呢个价钱都算okay。🍴冻奶茶（+$7）呢个奶茶都唔错，够茶味唔会嚡。整体上食物质素正常，未至于太惊喜，河粉份量多，至少可以食得饱。嚟到熟食中心食嘢都唔会系要食环境或者食服务，当日食嘢遇到嘅姐姐有主动帮我揾位，唔使等位已经好好，台面正常地唔会太干净，都要预咗系咁样～
回头指数 ⭐️⭐️⭐️
开心指数🤗🤗🤗
又系要去大埔，之前食过大埔名物上海面觉得一般，今次周围行吓，见到呢间食牛什粉面，就试吓。
🍴招牌牛杂河粉（$38）
呢碗上面有两块炸鱼皮，一上台就要即刻食，唔系就会浸腍㗎，鱼皮都几香脆唔会硬，味道适中唔会太咸，呢个几好味！牛杂份量都算多，食落都 okay，亦都冇食到异味，佢嘅辣椒油味道唔错，都几香，钟意食辣嘅朋友记得要试。河粉嘅份量多，好够饱。
招牌牛杂河粉
$38
63 浏览
0 赞好
0 留言
🍴潮式牛根河粉（$38）
呢碗上面得一块鱼皮，相比起牛杂嘅大堆头，会显得比较零散，牛根煮得够腍，但唔算太入味，呢个一般。
潮式牛根河粉
$38
58 浏览
0 赞好
0 留言
🍴牛杂鱼蛋双并河粉（$48）
双并要用贵嘅粉面价钱加$10，双并鱼蛋有3粒，鱼皮有2块，鱼蛋都几弹牙，鱼味未算太浓郁，不过以呢个价钱都算okay。
牛杂鱼蛋双并河粉
$48
103 浏览
0 赞好
0 留言
🍴冻奶茶（+$7）
呢个奶茶都唔错，够茶味唔会嚡。
整体上食物质素正常，未至于太惊喜，河粉份量多，至少可以食得饱。嚟到熟食中心食嘢都唔会系要食环境或者食服务，当日食嘢遇到嘅姐姐有主动帮我揾位，唔使等位已经好好，台面正常地唔会太干净，都要预咗系咁样～
张贴
