雲桂香米線專門店

营业中

休息中

到了牛头角拎野，顺便揾个食，就到了云桂香食米线，一点几钟好多人㖞，几乎满座，只有门口第一张枱，炎热的天气又开住门，都真系有点热，后来食客少咁啲又闩番门就好多了。哈哈，咁热天梗系叫冻饮，见隔离枱点了菠萝特饮几正㖞，不过是日有点热气都系点咸柠七稳阵，咸咸地嘅青柠同七喜特别夹，加上一大杯冰底透心凉，天时暑热真系好正。平时食拉面会加碟饺子，今日食米线就试下呢个炸燕皮肉饺，肥嘟嘟嘅样几Q㖞，虽然话炸又唔系话硬邦邦。入面啖啖肉好香口，个皮韧韧地好味噃，一碟有八只抵食吖。主食就要左猪大肠海带热拌米线，哗，上枱真系吓亲，大碗到离谱，啲米线满哂，唔知系咪无汤嘅关系，米线系平时食开嘅双倍！海带软身但仍有咬口，感觉上有啲绿色物体健康啲嘛，自己又钟意食海带，份量有半碗之多，呢个𩠌好抵。另一样𩠌就系卤水大肠，烟烟韧韧嘅口感好正，大肠清理干净无异味，卤水汁入味好正。热拌米线本身有肉酱，咸菜同花生，要了小辣口味，拌混之后啱啱好。米线弹牙不过淋，是喜欢的口感，小辣惹味得黎不呛口，大大口食正呀。好对胃的口味，碗米线份量极多，平时成其他店成日都唔够饱，今次呢碗最后都食净一口，尽力了。