影片
更多
2019-11-25
77 浏览
今日去开深水埗，时间已经唔早，喺福荣街揾嘢食先，行过见到就决定试下呢间江南濑粉。入到去见环境尚算宽敞，唔算逼夹，感觉整洁。睇完menu决定要碗三𩠌濑粉加多个小食。🥢 清汤濑粉配三𩠌:柱侯牛腩、凤城水饺、鱼肉春卷好大碗，啲𩠌完全遮住咗啲濑粉。花生、芝麻、葱花放喺羹上，可随个人喜好加入粉入面食。首先饮一啖汤，虽然系清汤，但都几鲜甜，唔似有味精，因为之后冇觉得口渴。碗粉入面仲有啲韭菜同芽菜，非常丰富！濑粉系呢间舖嘅主打，佢嘅濑粉完全唔同平时食过嘅濑粉，佢系比较粗嘅，食落系好滑同埋好有咬口，烟烟韧韧，而且仲有米味，好食！牛腩好大旧、好多，煮得好淋，而且好入味，非常出色，推介！水饺都系必食推介，超大只、超足料，食到入面有虾、肉、木耳等等，好新鲜，赞！鱼肉春卷有两条，食落有鱼味、有咬口，唔错。🥢 酥炸鲜虾云吞有6粒咁多。炸到金黄色，睇见都吸引。咬落超脆，热辣辣，入面好多虾，好足料，好正！2:30pm之后仲送送热饮或者豆浆添，要左杯热菜蜜，抵😆本店十大必食，今次试咗4款，食到超级饱，下次有机会会再试下其他～👍🏻
入到去见环境尚算宽敞，唔算逼夹，感觉整洁。
睇完menu决定要碗三𩠌濑粉加多个小食。
🥢 清汤濑粉配三𩠌:柱侯牛腩、凤城水饺、鱼肉春卷
好大碗，啲𩠌完全遮住咗啲濑粉。花生、芝麻、葱花放喺羹上，可随个人喜好加入粉入面食。首先饮一啖汤，虽然系清汤，但都几鲜甜，唔似有味精，因为之后冇觉得口渴。碗粉入面仲有啲韭菜同芽菜，非常丰富！
濑粉系呢间舖嘅主打，佢嘅濑粉完全唔同平时食过嘅濑粉，佢系比较粗嘅，食落系好滑同埋好有咬口，烟烟韧韧，而且仲有米味，好食！
牛腩好大旧、好多，煮得好淋，而且好入味，非常出色，推介！
水饺都系必食推介，超大只、超足料，食到入面有虾、肉、木耳等等，好新鲜，赞！
鱼肉春卷有两条，食落有鱼味、有咬口，唔错。
🥢 酥炸鲜虾云吞
有6粒咁多。炸到金黄色，睇见都吸引。咬落超脆，热辣辣，入面好多虾，好足料，好正！
2:30pm之后仲送送热饮或者豆浆添，要左杯热菜蜜，抵😆
本店十大必食，今次试咗4款，食到超级饱，下次有机会会再试下其他～👍🏻
张贴
