新金榮小廚

营业中

休息中

同朋友黎左屯门呢条有名的小炒街度食饭，限聚令前的一餐，梗系要尽兴啦。成条街都系食打冷小炒，气温虽然凉左，但无阻食客坐门口，影完相不久啲枱就坐满啦，气氛热闹。韭菜猪红猪红好滑，硬度适中不会一夹就散，而且非常入味，微微辣很惹味，嫌不够辣可以点下旁边嘅辣椒酱，沾一点更出色。份量很足，下层韭菜大概占三分一左右，满满是猪红不吝啬。驰名卤水鹅上枱已闻到卤水香，鸭肉鲜味，啖啖肉，骨薄且不算肥，皮下脂肪不多。下面有几片卤水豆腐，吸了鸭油好好味。潮式煎蚝饼叫了份细蚝饼都有两大块，半煎炸十分香脆，蚝仔鲜嫩肥美，中间夹著芫荽香好好味呀。黄金四季豆再黎系朋友至爱的咸蛋黄系列，拣了要四季豆，哗，大碟到离谱呀！咸蛋黄下得重手，超多咸蛋黄，每条四季豆都厚厚的包著，味道浓郁劲满足！蒜蓉豆苗炒带子最后整返碟菜，蒜蓉炒够香口，豆苗软嫩，带子鲜甜弹牙，好味好味。咁好𩠌就要送下饭，叫左白粥同白饭，意外地系热㗎，食开嘅打冷舖好多都系冻饭，呢度有热饭热粥食正㖞。小菜好味，非常大碟，价钱又不贵，唔怪得咁多人黎食呀。