新錦園大排檔

营业中

休息中

阿爸最近成日话呢间餐厅好正，要去试，咁收工就同佢去食啦。一上到去，6点几就已经坐满晒人，人山人海，一啲都唔夸张。因为人多嘅关系，都几嘈下，倾计都要大声少少。好彩阿爸醒目，好快就揾到位。.一坐低就即刻嗌嘢食，因为太肚饿，3个人叫4个𩠌。.油浸笋壳鱼都几香口，炸得好脆，有啲骨都食到，味道唔错，一上茶已经好快清咗。椒盐墨鱼咀，平时好少见有得食，今次一定要试下。嗯，几有咬口，同埋无咩调味，要靠随碟上嘅椒盐吊味。姜葱鹅肠煲，鹅肠食得出几靓。小炒王系我每次到大排档必叫，好多腰果，又有虾干个啲有咬口嘅嘢，味道几好，但食耐咗佢同墨鱼咀，个口有少少攰。