四姐川菜

营业中

休息中

四川凉面喺呢度嘅招牌菜，基本上每一台都会嗌。幼面底，加上葱花同埋炒过嘅辣椒酱粒，食到炒到干晒嘅辣椒同埋花生再捞埋佢哋自己调味嘅酱汁， 麻麻辣辣，非常惹味，好开胃。莴笋炒肉丝师傅劲快上菜，莴笋切到幼丝，而且炒得啱啱好食落好清爽，加埋啲肥猪肉一齐我哋两个女仔食晒两碗饭蒜泥白肉上到嚟见到成碟红油以为好辣，点知捞埋啲蒜泥酱其实啱啱好，唔算太刺激。切到白白嘅肉片肥瘦均匀，加上佢哋自己调制嘅蒜泥酱，一啖接住一啖。蕃茄鱼片朋友唔系好食得辣，所以决定嗌个蕃茄鱼片解辣。坦白讲本身对佢冇乜期望，点知出乎意料地好食。佢嘅蕃茄汤好鲜甜，每一啖都甜甜酸酸，完全解晒头先啲麻辣。一碗蕃茄鱼片已经有八、九大大片鱼肉，而且全部都冇骨非常之滑。总括嚟讲四姐川菜本身就系出名嘅私房菜过咗咁多年依然保持到水准非常之有惊喜，而且佢每一份食物都好大碟建议同一大班朋友一齐食会更加开心。