Outdark (H8)

营业中

休息中

啱啱喺英国返嚟，突然之间想食啲韩式嘢，所以特登去呢一间韩国人打理的餐厅，楼下仲有好多地方shopping买衫买鞋同埋食港式甜品。一坐低就俾佢𠮶个Summer Menu晚餐限定的菜包肉吸引住，因为夏天热辣辣真系唔想食咁多碳水化合物，佢呢一个系五花猪肉配腌制白菜同埋生菜，非常之清新。猪肉层次分明，肥肉同瘦肉刚刚好，最喜欢的是伴碟嘅泡菜，少少辣得来又非常之惹味。腌白菜少少酸酸地，中和返五花腩的肥肉。一上枱的时候非常之大碟，最适合三至四个人分享。我哋叫咗一个半份嘅炸鸡，其实都已经很足够，因为佢仲会有薯条伴碟，大大碟，炸鸡外面脆，入面依然锁住肉汁。紫菜卷亦都系大大碟，两个人一定食唔晒，炸虾非常之有口感，配上酸瓜青瓜同埋萝卜丝，非常之清新。饮品方便，其中一个是热情果梳打，里面有粒粒芦荟，最适合配炸鸡。另一个是peach Yogurtdrink，是韩式罐装饮品，一样非常之解腻。