日和号壽司料理 (已結業)

日和号基本上我成日都食，lunch时段嘅lunch menu实在系平，质素喺Mega box黎讲算系唔错。平时lunch time食饭好少写食评，但今日食完呢个饭就要贴堂啦。今次系约左附近返工嘅朋友食lunch，12点半去到已经差唔多满座。坐低点左一个石锅温泉玉子牛肉带子饭，跟餐有沙律同面豉汤，仲包埋饮品。值得一提日和号嘅所有饮品都系用double wall嘅杯黎装，又保温，又唔会辣手或整湿 张枱，通常我都会叫热柚子茶。个饭一黎到，我哗左出声，因为好足料，有成4粒带子，仲有温泉蛋，卖相吸引又好食。同场加映我平时食开嘅野菜烧鸡扒丼。呢个好抵食，又够份量，差唔多每一次都食佢。