餃里 (悅湖山莊商場) (裝修中)

店铺系屋苑商场地下，吸引好多街坊买外卖食。饺子馅料种类除左有菜类饺，仲有新颖选择添，如紫菜、咖哩等，价钱亲民。当日5点半左右到，已经好多人排队等紧外卖，大约10mins就拎得。叫左9只三拼自由选($54)，健康双拼($40)，芝士粟米鲜肉饺(6只$46)。餐牌有几款拼饺拣，岩哂心大心细既朋友，咩都可以试下。每只饺子都非常饱满，饺子皮通透咁，睇颜色好易就分到饺子口味。饺子每日人手包，煎饺即叫即煎，热辣辣，个皮煎到焦焦脆脆，好滋味。附送既酱汁、辣菜脯配饺子食，味道提升左。不得不提，个酱汁有柚子味道，酸酸地，同煎饺好夹。咖哩鲜肉饺大推，同食紧咖哩既感觉一样，因为一咬，d咖哩汁涌出，咖哩微辣，混埋肉馅食，好juicy。而且就咁望只饺子，已经见到深黄食。紫菜鲜肉饺既紫菜好似就黎塞爆个饺子，多馅到分3啖食。紫菜味超浓郁，带点大海盐味咁。泡菜鲜肉饺味道酸多辣少，煎过之后，饺子唔会好干，带少少焦脆口感，泡菜份量又系满满。芝士粟米鲜肉饺咬开之后，会拉到丝丝芝士，d粟米跟住跌落黎，尼个组合冇得输，芝士味道突出，好香，而粟米甜甜。汤饺既汤底好好饮，清甜唔会饮完好口渴，配搭饺子食更多汁。椰菜肉馅清淡，调味唔会