山東小城 (西洋菜南街)

营业中

休息中

太子出名多餃子店而呢間都唔例外，主打多款口味嘅水餃/煎餃、上湯/酸辣、另有麵飯燉菜類、小食同飲品供應。店內環境唔大，座位之間有適當距離，服務態度友善，令人感覺溫馨。招牌菜有墨魚荸薺餃，外皮採用新鮮墨魚汁製成，內餡加入豬肉、墨魚滑同馬蹄，口感彈牙，鮮甜原味，搭配酸辣湯，偏酸唔辣，好開胃。小食有醉雞，幾件嫩滑多汁且入味，可以試試。砂窩系列都有唔少款色，新鮮滾熱辣上枱，雲吞雞嘅份量比想像中多，啖啖肉，雲吞皮薄餡靚，仲有新鮮蔬菜，湯底清甜，配飯一流。酸菜魚入口即化，粉條吸滿湯汁，比得上出邊嘅川菜店。