甘永泰魚蛋 (已結業)

来长洲点可以唔食，长龙是必然的事，难得今日算少人，可能开始入夜，虾丸都售罄，幸好还有指定想食的大粒鱼蛋$10/2粒、豆卜鱼肉$20（又加价了吗？！），其实呢间既墨丸反而未食过，叫埋啦。大大粒鱼蛋，果然必食，热辣辣衬热食，冇得输既原因系够大粒啖啖肉，有鱼味得来口感仲好弹牙，每咬一下都好满足。豆卜鱼肉好似加价吗？！不过点都要食，豆卜开边向外反，酿入鱼肉炸至香脆熟透，由于豆卜向外反，所以更脆身更有口感，酿鱼肉份量刚好，不多不少咬落有点弹又增添肉感。反而墨丸唔太大兴趣，下次可以唔食呢款，同一般墨丸差唔多，只系炸过，同埋唔算好热。