豪隍點心工房

营业中

休息中

新春就好似离唔开要饮茶，食咗咁多日盆菜糕点，就想饮杯茶。豪隍呢间餐厅，良心小店💛，新春照常营业🈺️，重点讲明唔加价，唔收加二加三，公道！帮衬过咁多次，想试嘅点心，基本都试过喇！就介绍一下我平时必点嘅点心🥧，等大家唔使花多眼乱！🍴虾饺皇 $29/ 2只豪隍点心，出名大大粒兼足料。皮薄馅料多，啖啖虾肉粒，爽口弹牙，一只等于食咗2粒😂。味道方面，属传统派别，有少许大地鱼味，肥猪肉比例均匀，唔会觉得太罪恶。🍴潮州粉果 $27每次必点，最钟意佢皮薄烟韧，不过今次少少失手，蒸过火少少，一夹就烂咗，不过唔影响味道。韭菜味香浓，粉葛甜，如果钟意食韭菜嘅朋友，包你啱心水！🍴虾肠 今次好抵赞，肠粉滑溜绵密，原只虾粒，一样爽口。豉油味唔算浓，配上肠粉，好夹。🍴牛肚 好多酒楼都有得叫，不过有时有阵雪味，加酱料腌完就算。豪隍呢个无呢个问题，好好烟韧，都好入味。贯彻大大件卖点，连牛肚都系大大嚿。东广场新店，比总铺装修靓好多，行日式清新风格，不过地方相对隔涉，方便度就一般般。始终唔系酒楼，用上胶杯胶碟，如果以饮茶嘅角度嚟讲，始终都有啲扣分。