新志興至尊燒鵝大王

营业中

休息中

星期六日放下假，有时瞓觉都会瞓晏啲，瞓醒咗想去饮茶，但系早茶又过咗。有边度好去处？就去牛池湾呢一间旧式嘅点心酒楼，环境方面，当然唔可以要求好似一般酒楼咁，不过都有得拣有冷气嘅位置或者坐喺街出便，我咁识叹当然要有冷气啦！唔系食都食唔落。入到去，一定系搭枱坐㗎喇，入边男女老少，一家人或者单身一族都有，点心都唔算少，有好多嘢拣，每样都大大份，𠮶粒牛肉呀真系可以一龙等于出面酒楼嘅两龙嘅。味道方面都唔差，起码比起一啲屋邨嘅酒楼，好味好多冇咁多油。虽然环境好似唔系好干净，但系佢真系用超滚水畀你清洗餐具，感觉上，好似好消毒。好过一啲酒楼，用胶嘅油淋淋，洗极都洗唔干净，所以有时放假得闲嚟饮下茶，都几好㗎！