鋒膳

营业中

休息中

一早就book定枱，放假去食黯然销魂饭😂究竟有咩咁巴闭要一早book定枱？间餐厅叫「锋膳」。爵士汤 - 所有午餐都会跟爵士汤（只有午餐），爵士汤既材料有哈蜜瓜、陈皮、螺头、花胶、猪𦟌煲制而成。望落去个汤非常清澈，味道浓而不咸，少少甜，少少海味，虽然我唔系厨师，不过我饮落去觉得个汤唔似煲嘅，似炖多啲，我估。叉烧煎蛋饭 - 叉烧非常入味而且够淋，蜜味浓，不过切得比较大件，据说系用上日本宫崎猪既梅头肉再以21天干熟成，令肉味更浓郁来制作叉烧。而煎太阳蛋用上刺身级九州太阳卵，蛋香浓，而且佢哋会煎蛋底部煎到有少少脆👍🏻。最后就系整碟饭我最钟意嘅汁（还是叫酱油？），咸甜适中，净系个汁我就已经够𩠌几碗饭😂。煎蛋串茄焗猪扒饭 - 又系个汁攞满分😂酸甜对比刚刚好，炒饭亦都够干身，再捞埋啲汁都唔会觉得过份湿润，猪扒都系以21天干熟成才煎香。真正菠萝冰 - 用上新鲜菠萝制成，酸酸甜甜，啱晒夏天饮，仲好开胃！