大和豚総本店 (已結業)

Book左位一黎就有位，不过间店其实唔full。我地十一个人叫左三个锅，几个小食同寿司。第一个系上级豚肉面鼓鸡白汤锅＄238，得几块豚肉，大量芽菜同娃娃菜，但要成二百几蚊。味㬝锅个汤底唔错，够味，豚肉亦都好味，但一人都无一块肉，份量太少。其实我地本身系叫牛既，但朋友闻落话有臭袜味仲要好大浸，职员话系牛肩既味。不过职员话我地介意可以换过俾我地，佢俾过一锅新既我地，服务超赞。第二锅系上级豚肉铁板锅＄256，又系超大量芽菜同娃娃菜，仲有少量年糕，薯仔同豆腐。同头先个煲无分别，只系个煲变左个铁板。呢个锅好淡无咩味，整体好一般。最后一个系松叶雪见美人锅＄288，有几条蟹脚，每人分得少少。蟹脚几好味，但真系好少。锅中间系大量萝卜蓉，仲有少少豆腐同骨胶原，整体几好味。我地仲叫左柚子椒盐鸡翼＄52，热辣辣，甜甜地，好好味。仲有个麻香木耳，喜欢辣既朋友应该唔错。仲有大和豚沙律，好似凯撒沙律咁，都整得唔错，有少量肉。仲叫左软壳蟹寿司＄108，好钟意食软壳蟹好好味。大和十二帅，主要系刺身寿司，有一两件熟既，寿司劲细件，十二件＄178，唔抵。最后系焗芝士烟肉茨仔，好似好pizza咁，好得意，好味道。