星廚 (已結業)

闻说太子间「星厨」有超大脆卜卜咸猪手，食完果然觉得好抵食饱肚，仲要好好食。Lunch黎食都几正，同友人share平价中午餐，再叫猪手set，因为一只坚大只，所以一定够饱。先饮南瓜汤，几杰身都够味同滑，但有点粉粉地，味道尚可。大虾黑松露酱意粉 $48，有餐汤、热饮及雪糕。份量刚好，不算好大碟，但就有成5只大虾，好豪爽丫。好香黑松露味飘出黎，用的松露酱份量几多。大虾除了好似手指甘粗甘大只之外，仲超爽弹。意粉也煮得有咬口带弹性，值得一赞厨师即叫即做保持意粉质感。不算太油腻食完刚刚好。烤焗咸猪手配酸椰菜 $118，套餐加$15，有餐汤、意粉或饭、热饮。都好抵好丰富，但由于制作需时，要等多阵，但系食完就知系值得等架。原只猪手上枱好有气势，一路切开一路出烟，够哂热辣辣，两个人食超饱肚，份量颇大。有甜甜酸酸的醋、芥末及烧汁，还有苹果丝的腌酸椰菜。猪皮烤焗得脆卜卜，一切已经听到声，好诱人丫，而且猪皮连肉食，好味过中式烧味既烧猪好多，皮够薄又脆，好味又易食。猪手腌得好入味，够咸香又有黑椒微辣辛香。好易切开，肉质一丝丝，札实得来有弹性的肉感，带著软滑浓味的软筋，猪脂不腻又弹牙，入口溶化好正，好有骨胶原感，