叁拾咖啡室 (已結業)

同事喺公司annual dinner玩游戏赢左成千蚊，照例又比人屈番几百出黎万岁下午茶了。攞张外卖纸睇睇先，哗，下午茶都占好大篇幅㖞，选择多到花多眼乱，有选择困难症嘅同事，足足用左45分钟先拣到食咩我就拣左金砖配巨人鸡脾，金砖就即系西多士，而西多士最重要就系花生酱同糖浆，而家外面好多餐厅转左炼奶，无咁好味了，好彩呢度都仲系做传统西多士，味道正得多。而主角巨人鸡脾的确够巨，开头以为只系炸粉够厚，咬开鸡皮发觉误会左佢，啖啖肉而且唔会话炸到好干身，食完只鸡脾直到好似食完碗饭咁，巨人鸡脾确系无改错名，果晚番到去都食唔落呀P.S 其实个下午茶仲有跟杯红豆冰（另加$8）但食完鸡脾饱到唔想郁，竟然唔记得影相。呢份$40下午茶仲饱过我个午餐呀。