燒味本色

营业中

休息中

下午准备去做个检查，惊做完检测冇啖好食一于要食返餐好嘅先。时间又赶又想食得好，就即刻谂到要食烧味啦。深水埗烧味店有好多但系大部份都系外卖嘅，呢一间烧味本色睇嚟又干净又企理仲有好多烧鹅挂晒喺门面咁就吸引到我入去食啦。入到去一坐低就见到有个挂住生鹅嘅雪柜似乎依度啲烧鹅应该会做得唔错。平时都系点下啲双拼饭嘅我怕做完检测冇啖好食，决定鼓励下自己！同老公各人叫咗个劲 嘅，原只烧鹅髀乳猪饭，烧腩骨烧鹅饭。果然同平时食嘅唔同大大份过烧鹅髀好吸引呀乳猪份量亦都好多。烧腩骨竟然有两排但系烧鹅就真系上妆 位置少啲肉啦！似乎钟意食烧腩骨嘅应该配其他嘢会更好。佢跟餐加$7有例汤个例汤都几吸引，系莲藕猪骨汤，真系有几件莲藕同埋有件猪肉喺里面嘅。油菜亦都唔贵$20碟大大碟 仲可以加多$7跟餐要饮品添。离开𠮶阵再望多次门面发现原来佢有$28一盒双拼外卖饭盒咁下次可以买返屋企食。