Mee...lemongrass (已結業)

经过门口 ， 初头系畀佢嘅摆设吸引， 继而见到里面嘅客人都叫一款喇沙，内里都有一只大龙虾，非常吸引 ！！！喺门口睇餐牌先知道系每日限定嘅，而且只需84蚊！！问咗店员confirm仍然供应， 我同朋友就立即入去！！！波士顿龙虾喇沙 ～主角到喇！真系极大碗！ 睇返张垫枱纸同佢嘅比例，就知道佢真系超！级！大！除咗汤底够味香浓之外 ，面底系用咗两款唔同嘅面！所以口感非常特别！「拆哂啲龙虾肉出嚟！」心里面一直想著呢个动作！！真系非常热刺！！马来蜜汁炭烧厚切猪扒捞檬～ 猪扒非常香脆，而且蜜糖味非常重，是甜甜的， 而且佢注明咗系炭烧， 所以别有一番风味！ 檬粉份量都非常多！ 真系超值！马拉盏炒通菜～ 出街食饭点都要叫返碟菜嘅！ 通菜分量非常多！ 感觉系堆满加压实哂！而且都非常惹味！饮品方面， 点咗一热一冻， 天气开始转凉 ，我想饮红枣杞子茶暖暖身而 朋友就热底， 叫咗个cool爆鲜士多啤梨冰冰特饮！2杯都好出色，而鲜士多啤梨嘅份量都好多， 绝对真材实料！