維港灣餃子坊

营业中

休息中

一向都好钟意食饺子，呢度饺子嘅种类都好多。叫咗个香芹猪肉汤饺面，一共有五只，每只都好足料好大粒。平时食开饺子铺嘅汤面，大多数都系配上海面，但呢度有足足六款面拣而且仲有得拣乌冬添！而呢一个汤底个系猪骨浓汤，汤底好清甜，而我呢就拣咗刀削面，汤面佢仲俾咗两个豆卜。食得饺子又点少得菜甫，呢度嘅菜甫有少少辣，好惹味。另外小食叫咗蒜泥白肉同埋土匪鸡翼。呢度嘅土肥鸡翼望落去呢好似炸过咁，好香脆，入边嘅鸡肉亦都好嫩滑。呢到既蒜泥白肉超多蒜，猪肉片比较厚身。呢度仲有其他新款既饺子，朋友叫咗个咸蛋黄芥菜鲜肉饺都好特别，估唔到咸蛋黄做饺子馅都几夹。见到餐牌仲有芝士系列嘅煎饺架！ 下次一定要来再试下。