六合小廚 (已結業)

行完apple store肚饿揾野食，出门口转右就有一栋大厦好多餐厅，咁啱手机就快无电，见呢间六合小厨系港式餐厅，可以黎个地道晚餐，最紧要系仲有插头叉电，就决定上去。呢间野茶餐厅feel，但系食物除左普通茶记食物仲有大排档小菜，竟然有避风塘炒蟹（呢度叫香辣蟹）！因为好肚饿，见到有二人餐就直接点啦费时烦。我地两个人点左个无咁贵既2人餐（$668）。个餐有香辣蟹、榄菜肉碎四季豆、霸王鸡、例汤、白饭、花生小食。等上菜期间望下其他menu，原来呢度都几多野食，由早餐到午餐再到下午茶都有自己既餐牌，有碟头饭，有车仔面，有小食，都算包罗万有。首先上菜系霸王鸡。姜丝铺得好靓，鸡仲系髀位添，超嫩滑。之后有榄菜肉碎四季豆，好大碟，食咁多肉有蔬菜真系好重要！四季豆炒得够入味，有咬口。最后主角黎到，超大只既香辣蟹！呢炸蒜同埋辣椒铺得好靓好掂，打卡一流！打完卡即刻唔顾仪态动手拆蟹。个蟹钳有我三只手指咁大只，拆完直接摆入口一啖食，真系超满足。蒜味同埋辣椒味对我来讲啱啱好啊，好食到有啲软啲既位我连壳都食埋，哈哈。今晚好开心，咁嘅价钱同埋质素绝对冇失望呀。