很得輝 (金滿閣)

营业中

休息中

很得辉系一间喺屯门嘅小食店，最出名就系佢哋嘅大大只炸鸡髀🍗🤩 但其实除咗炸鸡髀，仲有另外两款口味：沙姜同卤水～仲有好多其他小食同埋台式饮品，单买鸡髀就$32，亦有鸡髀配小食/饭面嘅套餐，但都系$45左右～•🥢 炸鸡髀平时好少食炸髀，因为觉得会好油腻同热气，但呢只真系会忍唔住想再食！鸡髀好大只，但唔会太肥，食落唔会觉得有一层好厚嘅油脂系中间，炸粉薄得嚟仲做到好脆！鸡肉好嫩好juicy～本身鸡髀都有啲调味，唔另加调味粉都好食！调味粉有好多款：海苔椒盐、香草辣、纯辣、麻辣、魔蝎辣椒同死神辣椒，分咗唔同级数嘅辣，钟意食辣嘅一定要挑战！•🥢 沙姜鸡髀未开盒已经闻到好香嘅沙姜味，食落唔会太咸，但好入味，肉质好嫩，唔算好肥，觉得炸髀热气就可以拣沙姜髀啦~•🥢 卤水鸡髀卤水呢款算系3种口味入面最逊色，因为卤水唔系好入味😬 可能我唔好彩，只鸡髀入面肉色有啲生生哋，又有啲红～同埋呢只鸡髀都几肥，皮下面层肥膏都几厚🥺 可能下次要试多次试真啲先得😥•🥢 蘑菇饭鸡髀配埋蘑菇饭同一杯绿茶先$48，而且份量都唔少，都几抵～ 蘑菇酱汁偏甜，有黑椒粒，但食落黑椒味唔太突出，味道亦都唔系好出色，同连锁炸鸡店果款好唔同。