原汁原味

营业中

休息中

湾仔食晏真系好多人，又要等位要迫又唔平，每次食晏谂到头都大埋，咁啱有同事系湾仔住，佢推荐我哋一齐去试下食泡饭。呢间铺头主要系食中式小菜，清淡得嚟其实几豪气，佢主打都系海鲜类，例如龙趸蒸饭、带子蒸饭、龙虾泡饭咁...一入铺头，有唔少人都系叫呢个龙虾泡饭，似乎真系招牌菜式嚟，大大只龙虾开边铺系泡饭上面。同事叫咗龙趸腩蒸饭，我就试呢个龙虾泡饭。龙虾肉质结实，算系几厚肉，而且龙虾头有啲膏，都几香甜，但系食既时候有啲麻烦，个汤匙好大，撩唔到啲肉出嚟，如果用细啲既匙羹上台会方便啲。而汤底都几清，煮到奶白色，用咗胜瓜配埋啲葱花，入口好舒服，同埋汤都颇多，浸住啲饭同龙虾。但饭量一般，如果多少少会更好，因为食既时候汤多过饭好多，令到每一羹都系汤多饭少。不过lunch 嚟讲价钱唔算平，都接近一百蚊。