霸嗎拉麵 (已結業)

今日同女朋友食lunch，佢话好耐无食拉面，咁岩我地经过霸吗门口，见到最近期间限定既龙虾拉面，我地好想入去试下啦！龙虾我好钟意，见到咁霸气有原只龙虾拉面就叫左啦！加拿大原只龙虾，大大只霸气上枱，揭开龙虾，见到满满蟹籽，龙虾好大只，龙虾肉质好弹牙好鲜甜，完全唔系平货货色，食食下仲见到龙虾膏呀！汤底超级惊喜，浓郁龙虾汤底，入口虾味重又唔会腥，浓厚虾汤好滋味！溏心蛋流心度非常高，蛋味香浓入味，食到酱油香！拉面弹牙挂汤力好高，一口汤一口拉面，非常满足！女朋友叫左佢最爱既鸡白汤鸡叉烧拉面，鸡肉厚切够肥美，肉质非常滑溜鲜嫩，鸡肉味甜，溏心蛋同样地高水准，鸡白汤香甜清香，比虾汤清淡，但不失浓香鸡汤味！羽根饺子是必点，饺子蒸得香脆中间馅料好丰富，一口一件好滋味呀！