影片
更多
2019-02-14
204 浏览
同屋企人庆祝生日，谂住试新野点知一试就伏。我地一行五人，入座个时讲左五人，然后入座后去左四人台，我地问侍应我地系五人，佢话要加张櫈系走廊位，当时有四张六至八人大台，其中两张坐左人，一张坐左六人食紧，另一张坐四人都系岩岩坐底。我地望到仲有两张空台，问可唔可以调过去，侍应望一望后话可以。后来调左过去点埋食物就有另一侍应过黎话哩张唔坐得，有人预留左，请我地返细台加櫈，咁我地就好不解。然后原本个侍应就过埋黎睇下咩事，两个侍应对峙起黎，一个话我唔理你自己搞掂去，另一个就话无讲过咩都唔知。我地真系好无奈，两个人突然走左，无几耐又有第三个侍应出现请我地返去四人位，我地就解释首先个侍应认同左，然后后面都系坐四人而且未点好菜或者前面六人已准备走，第三系我地好无奈。结果侍应妥协左。然后我地发现坐左好耐都无水，隔离每一台都入座时俾埋水，我地就叫侍应拎水，但等左好耐无拎过黎，又叫另一个又无拎。最终我地一共叫左六次先有人拎到黎。讲真，服务态度真系非常失望😞 讲返当晚食物，我谂更加认定唔会再光顾。首先，点左个香蒜炸鸡半份，炸得好香脆外表睇黎都好金黄，但等等？蒜香味呢？点解变左一堆千岛酱，本来仲满怀希望，结果唔洗讲
然后我地发现坐左好耐都无水，隔离每一台都入座时俾埋水，我地就叫侍应拎水，但等左好耐无拎过黎，又叫另一个又无拎。
最终我地一共叫左六次先有人拎到黎。讲真，服务态度真系非常失望😞
讲返当晚食物，我谂更加认定唔会再光顾。首先，点左个香蒜炸鸡半份，炸得好香脆外表睇黎都好金黄，但等等？蒜香味呢？点解变左一堆千岛酱，本来仲满怀希望，结果唔洗讲。
第二个点左个芝士炒拉面年糕，成功有拉芝效果。但啲公仔面好似唔熟咁硬仲一饼野咁分唔开，而且个味好淡，辛字面个调味粉仲浓过佢。
第三系海鲜炒粉丝，讲真食咁多炒粉丝，大家去尖沙咀随便揾一间，都应该唔系挂汤咁水汪汪咁。都唔紧要，海鲜我都唔要求高，最紧要味道，不过无味好清淡。
第四系金大人拼盘（M)，见佢有几种鸡翼口味咁得意就叫左，叫做成晚最正常口味一道。中间芝士汁酱热辣辣仲有烟出，芝士味都好够。不过个几种鸡翼除去有馅料，鸡翼本身味道都一模一样，应该腌料都一样，水牛城个款无后制调味所以都系一样味有少少失望。个面包外脆内软，沾满埋芝士汁，好正。
第五碟系安东鸡（M)，一望上去见到啲色咁淡咁稀已心知不妙。个啲汁水同炒粉丝一样，都系淡。而且啲薯粉全部硬到咬唔开，未熟架！同左侍应讲，佢都试左系唔熟问洗唔洗换，我地谂住食得七七八八就算。啲鸡件好大阵雪味，未解得好冻只味，认真麻麻。
最后一碟系系炸虾紫菜包饭，我谂哩碟一改我对紫菜包饭既印象，真系打大佬咁。佢系碟个阵已经散哂，唔知点夹上手。再者，佢个炸虾睇落好大条好有气势，结果一咬开？全部都系粉浆黎既，只虾好似甜虾仔咁。炸得唔系香脆，反而好似油浸完咁。平常食一般紫菜包饭好正常，唔知点解炸完既啲馅料好似好唔岩，又酸又甜又咸咁，我地成家都觉得哩碟最难食。
张贴
