Bay's Kitchen & Bar (已結業)

两年前试过自助晚餐不错，知道开返专登搭的士入嚟试试半自助晚餐。结果吓死我！个忌廉汤打完唔知你哋有冇隔过，面包柜冇开，面包冻嘅，硬到搣都搣唔到刀都锯唔开！最好笑系个侍应专登叫厨师热咗几个靓靓面包仔俾我.......但系搣开入面都系冻嘅！Starter and Salad corner 嘅摆放真系不堪入目！我以为去咗茶餐厅！唔系叫你开哂成个餐楼但都唔使搅到咁不堪啩？到主菜，牛扒我叫半生，你俾块全熟我，我𡁻到同你食咗佢有几难？最大问题系旧牛肉每一啖都系炭焦嘅苦涩味！离哂大谱！你哋其实识唔识咩叫Charcoal Grill? 定系你哋贪平用工业炭？仲有食食吓厨房有人嗌交定闹人，嘈到成个餐楼都听到，劝你哋厨房门口果堆枱都唔好俾客坐啰......最后食雪糕系全晚最正常嘅，因为啲雪糕唔系你哋整而系嗌货返嚟㗎嘛。