Hosea

营业中

休息中

同亚女去完法国医院🏥睇医生，跟住就去食饭，去开𠮶间已经结业，见到呢间坐得舒服啲、靓靓仔仔，就入去，环境感觉舒服，服务麻麻，食物同想像中有出入。二人套餐 A+C $430是日餐汤店员话系薯仔汤，但系我饮落似蘑菇汤，味道一般。是日精选沙津明显系罐头夏威夷水果沙律，觉得无乜诚意。小食英式炸鱼配薯条炸鱼正常，薯条好快就唔脆，一般主食夏威夷薄饼🍕一般香烤纽西兰牛扒拌薯菜牛扒叫咗5成熟，牛扒肉质有点鞋，无乜牛味。🫢晚餐-香煎三文鱼柳伴虾配忌廉汁 $188三文鱼煎得香脆，虾一般，薯蓉味道好怪，好似豆蓉嘅味，三文鱼系最好食，不过唔抵食。跟餐两杯苹果汁+$20正常跟餐冻柠檬茶 +$5茶非常淡、无味整体评价：餐厅环境OK，服务一般，价钱偏贵，食物麻麻，食到冇晒心机，食完都唔饱。成餐埋单$707，可以有更好选择。