大麥牛肉麵 (已結業)

今晚约咗个系大学返学嘅朋友食饭，佢话唔想去咁远，所以就佢喺香港大学站附近食个饭。佢带咗我嚟lee间食牛肉面嘅舖头。餐厅感觉有啲似家庭式嘅小店，地方唔大，座位唔多。第一次嚟，拣咗个牛肉面同埋小食试下。睇到门口嘅海报，知道佢哋嘅面系自家制嘅，所以食落特别烟韧。汤底有啲似台湾牛肉面嘅味道，有少少辣，味道好浓，啲面吸收晒汤嘅味道，所以食喺上嚟每一啖都充斥住牛肉汤嘅味道。牛展味道亦好浓，喺香港都好少食到呢个味道嘅牛肉面。小食就嗌咗个卤水拼盘，有蛋有鸡翼，鸡翼虽然冇好浓嘅卤水味，但系肉质几嫩滑。鸡蛋仲系有少少流心𠮶只。喺附近返学嘅朋友真系有口福，可以食到咁好味嘅牛肉面。