大家樂 (星光行)

营业中

休息中

放工諗緊買咩返屋企食，見到facebook有大家樂嘅新套餐，88蚊蜜糖芥末雞餐，有一隻雞， 兩嚿粟米， 一盒通粉， 一盒甜薯仔， 仲有兩杯馬蹄冰， 兩個人食啱啱好 。隻雞比之前嘅海鹽檸檬烤雞餐有進步 ，起碼冇咁咸先 雞的size係中等 ，用手撕開，然後點佢嘅芥末醬食。 雞肉尚算嫩滑，香口，唔錯。粟米嘅水準都維持到， 有好濃香嘅牛油味， 都算幾爽口。盒焗通粉其實味道幾唔錯，但係嫌佢唔夠熱，馬蹄冰入面係真係有馬蹄，有竹蔗同埋紅蘿蔔，雖然味道唔係幾濃，但算都係誠意之作。