八百善 (已結業)

2019.5.25 12:40pm今日入去一坐低点餐，呢位短发带眼镜女侍应（下称该女侍应）帮我地落单。我地点餐后要求稍后先叫餐饮，该女侍应话唔得要一次落埋单。我地问可否先餐饮但后上，该女侍应话做唔到。我地话我地每一次黎食都可以，叫该女侍应问问经理系味得。（利申：已经黎过食lunch 十次以上，每一次都可以餐饮后上）跟住就出事喇，该女侍应竟然超大声系间餐厅嗌：有冇同事应承左呢台餐饮可以另上呀？当成场望咩过黎时跟住9秒9自问自答：冇人应承过㖞（再要加上乞人憎既笑容）。我觉得真系好过份，我地入坐2分钟就落单问下得唔得就咁冇礼貌对d客。态度恶劣到好似同佢有仇咁。当然我地即时起身走人，再向收银位另一员工投诉，希望该收银员工有负起责任向公司反映一下，该女侍应既态度再系咁落去只会搞到冇人会再黎食饭。如果该女侍应睇到唔该你反省一下，我都做过楼面，但唔会好似你差成咁啰。本人冇乜在openrice出post但唔出真系对唔住自己。