210
93
46
等级3
78
0
大家食得好开心
2008-10-14 13 浏览
前几日同屋企人食晚饭, 有人试过呢度话正提议黎食一餐, 大伙儿都话好, 咁就由我负责啦. 首要任务当然系打去book位先, 个姐姐好友善, 话6点到7点半一轮, 7点半打后又一轮, 咁我就book左7点半啦. 问佢有d 乜野𩠌系要预先订定, 佢就话系炸蟹箝, 其余果d乳猪拼盘同脆皮炸子鸡都唔使订. 佢仲话有"菜栏"会员咭有上汤炸粉果送添. 当晚准时7点半到, 大半屋企人已经到左, 我地睇到个一千三百几嘅套餐几好, 再加埋订左嘅炸蟹箝同埋送嘅上汤炸粉果, 一定好够食. 开心叫左一round汽水啤酒, d 𩠌都未上已经要叫第二round嘅啤酒啦. 先上左个乳猪拼盘, 有好多野食, 乳猪好在唔太肥, 叉烧系半肥瘦, 蜜汁味好重, 最啱送啤酒. 其余嘅切鸡, 烧鸭同海蜇都无试过, 不过见各人清碟之快都应该几好味. 再黎系蟹肉冬茸羹, 个蟹肉一食就知系雪藏货, 不过因为个冬茸好香好滑, 再加上用左少少胡椒调味, 作为一个秋天嘅汤水都唔错. 再黎个炒斑球, 味道几好, 份量好足. 锅贴大明虾拼大良炒鲜奶真系好好味, 果然系名菜. 脆皮炸子鸡一上枱已经急不及待, 鸡炸得刚好, 调味亦都恰到好处, 呢
更多
前几日同屋企人食晚饭, 有人试过呢度话正提议黎食一餐, 大伙儿都话好, 咁就由我负责啦. 首要任务当然系打去book位先, 个姐姐好友善, 话6点到7点半一轮, 7点半打后又一轮, 咁我就book左7点半啦. 问佢有d 乜野𩠌系要预先订定, 佢就话系炸蟹箝, 其余果d乳猪拼盘同脆皮炸子鸡都唔使订. 佢仲话有"菜栏"会员咭有上汤炸粉果送添.

当晚准时7点半到, 大半屋企人已经到左, 我地睇到个一千三百几嘅套餐几好, 再加埋订左嘅炸蟹箝同埋送嘅上汤炸粉果, 一定好够食. 开心叫左一round汽水啤酒, d 𩠌都未上已经要叫第二round嘅啤酒啦.

先上左个乳猪拼盘, 有好多野食, 乳猪好在唔太肥, 叉烧系半肥瘦, 蜜汁味好重, 最啱送啤酒. 其余嘅切鸡, 烧鸭同海蜇都无试过, 不过见各人清碟之快都应该几好味.

再黎系蟹肉冬茸羹, 个蟹肉一食就知系雪藏货, 不过因为个冬茸好香好滑, 再加上用左少少胡椒调味, 作为一个秋天嘅汤水都唔错.

再黎个炒斑球, 味道几好, 份量好足. 锅贴大明虾拼大良炒鲜奶真系好好味, 果然系名菜. 脆皮炸子鸡一上枱已经急不及待, 鸡炸得刚好, 调味亦都恰到好处, 呢个𩠌可以攞满分.

炸蟹箝系最后上嘅一个主菜, 千呼万唤始出来, 等...原来真系有价值嘅, 我地一人一个好开怀咁大嚼, 蟹肉好鲜味, 点左醋仲好味. 我会因为呢个炸蟹箝而成为呢度嘅常客.

我地个套餐仲有炒饭同甜品, 味道都okay. 上汤炸粉果可能系送嘅关系, 所以特别好味.

埋单二千五蚊, 最紧要系大家食得好开心呀嘛.
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
人均消费
$200 (晚餐)
推介美食
  • 脆皮炸子鸡
  • 炸蟹箝