影片
更多
2019-09-12
1698 浏览
熟小小猪嘅朋友都知道佢系一位不折不扣嘅大富翁控，屋企有嘅大富翁游戏加加埋埋都有成10盒。其实....看似盒盒都系一样，不过小小猪总系话好唔同，每盒嘅玩法都各有乐趣(佢仲叫我话迟帮佢拍片同大家分享哦)。既然佢钟意我又觉得大富翁游戏系益智得嚟又好啱一家大细齐齐玩，所以...就由佢变成一名大富翁痴啦...哈哈哈！知道帝京酒店今期嘅自助晚餐系以大富翁为主题，咁就当然要带依个小粉丝嚟潮圣开心一番啦！ 依家食自助晚餐就可以玩即抽即赏游戏，小小猪就紧系唔放过机会要抽埋一份啦。抽「公益福利卡」就只需要上载相片及赞好酒店嘅Facebook / Instagram 就可以，小小猪就抽到$100 Coupon(佢系有丁点失望，因为佢不知几想抽到大富翁匙扣呀)~另外每位客人都可以去抽「机会卡」换其中一款嘅指定美食~ 餐厅内有好多大富翁嘅布置，小小猪都不知几开心，四围走冇停过呀~ 之后就紧系要睇下全晚嘅亮点所在，一系列超靓嘅大富翁甜品啦。依个大富翁先生嘅棋盘宝盒蛋糕我同小小猪都研究左好耐，初时以为只系摆设嚟，但原来系一个松露朱古力软心嘅香橙味牛油蛋糕嚟，真系超靓呀~ 小小猪就当然系最钟意
知道帝京酒店今期嘅自助晚餐系以大富翁为主题，咁就当然要带依个小粉丝嚟潮圣开心一番啦！
依家食自助晚餐就可以玩即抽即赏游戏，小小猪就紧系唔放过机会要抽埋一份啦。抽「公益福利卡」就只需要上载相片及赞好酒店嘅Facebook / Instagram 就可以，小小猪就抽到$100 Coupon(佢系有丁点失望，因为佢不知几想抽到大富翁匙扣呀)~
另外每位客人都可以去抽「机会卡」换其中一款嘅指定美食~
餐厅内有好多大富翁嘅布置，小小猪都不知几开心，四围走冇停过呀~
之后就紧系要睇下全晚嘅亮点所在，一系列超靓嘅大富翁甜品啦。依个大富翁先生嘅棋盘宝盒蛋糕我同小小猪都研究左好耐，初时以为只系摆设嚟，但原来系一个松露朱古力软心嘅香橙味牛油蛋糕嚟，真系超靓呀~
小小猪就当然系最钟意依个由大富翁游戏板整成嘅蛋糕，佢嘅像真度真系超似呀~
仲有以500 游戏纸币嘅热情果芒果芝士慕丝蛋糕~
唔好以为棋子造型嘅甜品系唔食得，每粒棋子嘅朱古力脆脆入面系有杂莓慕丝，最令我钟意嘅系连朱古力都唔太甜，所以我一个人都食左两粒棋子落肚添~
「GO」字造型嘅日式芝士蛋糕~
依个蓝莓芝士蛋糕系小小猪推介之选，佢话系超级好味哦~
系咁多甜品中俾我最大惊喜就一定系以屋契造型嘅夏威夷果仁花生酱慕丝蛋糕，佢嘅味道都好特别，估唔到花生酱做甜品又几得哦~
菠萝纸杯蛋糕~
大富翁先生奶黄包~
大富翁先生胡须嘅竹炭芝麻曲奇~
另外仲有两款鬼马蛋糕好吸引，依个以生蚝造型嘅牛奶布甸真系好似~
仲有朱古力慕丝嘅烧鹅脾~
系依个晚餐时间内，小小猪可以话大部分时间都系企系依个位企定定，因为餐厅展示左好几盒限量(绝版)嘅大富翁游戏。依只猪仔就好似发现新大陆咁，不停研究有咩唔同，当佢发现到时就会返嚟发表佢嘅伟论，𠮶一刻我真庆幸场内冇得买，如果唔系我一定大出血啦~
睇左大富翁咁耐，都系时候开大餐了。整体上自助餐嘅种类都好多元化，真系总有一款合心水。冰镇海鲜嘅种类都算多~
当然唔少得即叫即开嘅生蚝，每人每次可以拎两只，排多几次队就可以食多几只啦~
即烧嘅牛油忌廉火炙龙虾~
估唔到有潮式卤水并盘，特别得嚟又几好食呀~
仲有片皮鸭添~
自助餐美食仲有豉椒蛏子仔同避风塘豉椒花甲，炒得好有镬气~
我都抽中左嘅「机会卡」系梅酒冰镇鲍鱼，好入味呀~
食饱饱仲可以去自助饮品吧去斟饮品呀~
唔食雪糕就唔似小小猪作风~
今次仲加埋爆谷添~
今晚咁多大富翁包围住，完全满足晒小小猪，返屋企仲要玩返两盘大富翁游戏，佢话咁先叫完美嘅一日(真系....有冇咁钟意呀...哈哈哈)~
张贴
