牛陣 (德福廣場1期)

营业中

休息中

放假同小朋友一齐行德福，行完想食饱饱先搭车去MegaBox，最后选择左食牛阵🤣牛阵门口有个小小摊位，入去之前可以参加佢哋个夏祭活动，玩细细个𠮶阵大家都会有玩过嘅钓鱼游戏。本来见钓得越多奖品越丰富，爸爸谂住出手，点知都系敌唔过小朋友嘅自告奋勇🤣🤣。入到去我同爸爸都拣咗同一个套餐，特选黑毛和牛及冲绳豚放题套餐，90分钟429蚊。个套餐仲送左一盘好大份嘅海鲜拼盘，有蚝、虾、扇贝、鲍鱼。嘢饮方面就选择咗波子汽水放题，而汤底就拣咗鸳鸯锅，一边辣嘅一边就系✈️✈️✈️✈️✈️，大人同小朋友都岩食。最想讲嘅系个黑毛和牛，望落已经同普通嘅牛唔同，食落更加系知点解佢叫特选。好种牛味，同埋只肉质打边炉真系一流。我同爸爸就主力食牛，中间食啲海鲜，而小朋友有波子汽水嘅陪伴下，都好乖咁一齐食左好多嘢。自选区个边其实都好多配料拣，但我地挂住食牛，所以都只系行左一轮，夹咗小小丸同菜。放题食到尾声，同埋小朋友一齐出去装雪糕haagen dazs雪糕嘅魔力，真系大人小朋友都好难抵抗，4种口味都试哂😋，仲装咗细细杯爆谷比小朋友。